Ny 13 ka hatramin’ny 18 febroary 2023 lasa teo no nontanterahina tao Morondava ny fampiofanana ny andiany faharoa amin’ireo mpanamory lakana madinika, na « skippers », any an-toerana.

Miisa 60 ireo nahavita izany an-tsakany sy an-davany ka nahazo ny taratasy fanamarihana. Ny 20 voalohany tamin’izy ireo no nisitraka salotraina fanampiny.

Nialoha ity lanonana famoahana ny « Andiany MAHALOMBA » ity dia nisy hatrany ny fanentanana momba ny aro loza amin’ny fitaterana an-dranomasina. Nanome voninahitra ny fotoana ireo manam-pahefana any ifotony ary maro ireo mpisehatra namaly ny antso nihatrika izany.