Mitohy hatrany ny fitsidihana izay ataon’ny delegasionin’ny APMF Foibe any amin’ny ilany atsimo antsinanan’ny Nosy. Omaly 26 aprily 2022 dia nihaona tamin’ireo manampahefana sy tomponandraikitra mpiara-miasa amin’ny APMF tao Manakara izy ireo.

Ny fihaonana dia niopana tamin’ny fampahafantarana ny asa sy ny andraikitra iantsorohan’ny APMF mba hanatsarana ny fitaterana an-dranomasina sy an-dranomamy, entina manohana ny fampiroboroboana ny ara-toekarena ny tanànan’i Manakara sy ny manodidina.

Tanjona iray lehibe amin’izany ny famerenana tsikelikely ny fisokafan’ny seranan-tsambon’ny Manakara, manomboka ny volana novambra 2022.